Mes: Maio 2022

VOLTA CICLISTA Á PROVINCIA DE A CORUÑA (27/05/2022): ETAPA 1

Aproveitando que o percorrido da primeira etapa da “Volta ciclista á provincia de A Coruña” pasou por diante do propio centro de día de San Sadurniño, decidiuse saír ao exterior coas persoas usuarias co fin de animar aos corredores e gozar deste evento.

Tratase dun espectáculo deportivo que regresou ás estradas coruñesas e á nosa vida social, tras estes anos de pandemia, e supuxo unha gran oportunidade para seguir recuperando de forma paulatina as relacións coa nosa contorna.

As persoas usuarias acolleron dita saída con ilusión e entusiasmo, a valoraron como moi positiva. Con esta actividade saíron á luz os beneficios que aporta o deporte en xeral na calidade de vida das persoas.

Día Internacional dos Museos (18 de maio ) dende o Centro de día de Ferrol Caranza

Para conmemorar o Día Internacional dos Museos (18 de maio ) e co obxectivo de concienciar ás persoas usuarias acerca da importancia dos museos como medio de intercambio cultural. Acudimos a visitar o museo de Semana Santa, xa que na nosa comarca ten moita importancia e sona a Semana Santa, que dende o ano 2014 ten a distinción de Festa de Interese Turístico Internacional.
O museo da Semana Santa, abría as súas portas o 1 de decembro de 2018, finalidade de coa ter presente a Semana Santa durante todo o ano máis alá das datas de celebración. O museo alberga os tronos, fotografías das diferentes confradías que participan na Semana Santa Ferrolá.
Trátase dunha actividade significativa, para as persoas usuarias do centro de día de Ferrol-Caranza, xa que moitos participaron nas procesións ó longo da súa vida.

Maio no concello de Abadín

O pasado mércores 11 de maio celebramos os maios cunha actividade que se desenvolveu na casa consistorial. Para esta celebración acudimos ó concello de Abadín onde chegamos con todas as flores preparadas durante o obradoiro de manualidades para decorar a estrutura que conmemora a representación da chegada da primavera e despedida do inverno.