Aquivos por Categoría: Artisteando

“GALICIADOR”

O Centro de dia de Baiona promoviu un concurso para a rede de centros e nos quixemos participar, mostrando a nosa comunidade e todo o que a mesma nos aporta. Para así poder amosarlles as persoas de outros centros onde é que vivimos, e que sorte poder vivir aquí, tan pretiño do mar!

A través da oficina de turismo e fotos que distintos traballadores tiñan da contorna elaboramos un precioso video para animarvos a que veñades conocer o noso pobo. Dando a coñecer a nosa cultura, as nosas festas e o noso entorno e achegarvos así a un anaquiño de nós.

E aínda tivemos sorte, que gañamos o premio ao mellor guión!

As bicicletas son para o verán dende o centro de Baleira

Nestes días calurosos, no CAMP de Baleira vimos de terminar un proxecto co que quixemos darlle a benvida ao verán e aproveitar os días de bo tempo no xardín. Tratase dun obradoiro de refugallo, onde lle demos unha segunda vida a unha bicicleta cedida por un veciño da zona.

No transcurso da actividade poidemos rememorar algunha anécdota acerca da importancia que tivo a biclicleta nas súas vidas. Deste xeito, descubrimos unha brecha de xénero no seu uso, xa que, poucas mulleres as utilizaban. Tamén nos decatamos do cambio de significado que lle outogarmos a bicicleta, posto que antiguamente era utilizado como medio de transporte e agora outogarselle un valor moito máis lúdico e de esparzemento.

En definitiva, constituíu toda unha labor minuciosa a que lle adicamos moitas tardes no centro, pero qué gusto vela rematada e exposta no noso xardín.

Proxección “A POETA ANALFABETA” dende o centro de día de Sansadurniño

O venres 10/06/2022 dende o centro de día de San Sadurniño acudimos á casa da cultura do propio concello de San Sadurniño, invitados por eles, para a visualización da proxección do documental “A poeta analfabeta” dirixida por Sonia Méndez de cósmica produción. Documental gañador dun dos premios Luisa Villalta no ano 2019, convocado pola deputación de A Coruña.

“A poeta analfabeta e unha película documental que retrata a unha muller fascinante: Luz Fandiño. Poeta, activista, feminista, nacionalista e revolucionaria. Aos seus 88 anos luz é testemuña viva das realidades mais duras do século XX, por ser muller, por ser emigrante, por ser pobre.

O relato do documental xira en torno ao seu retrato: a súa vida, a súa loita política pero tamén en torno a aquelo que Luz xera ao redor e que conforma o seu legado, porque para moita xente Luz é un referente, case unha icona.

Luz é unha muller brava, unha persoa profundamente política e un ser cunha humanidade excepcional. ¿como entende o mundo esta poeta que a pesar do temblor de mans escribe todos os días? ¿que a move a tal esforzo? ¿que a mantén viva?”

A proxección supuxo unha reflexión sobre as duras vivencias que tamén tiveron que ir superando cando eran mais novos moitas das persoas usuarias presentes en dito filme.