Aquivos por Categoría: Concursos e parcicipacións

Saída ao Museo Naval de Ferrol dende o centro de día de Ferrol Caranza

O 5 de agosto realizamos unha saída ao Museo Naval de Ferrol para visitar á exposición de pintura “Camino de los peregrinos de la Mar”, exposición colectiva que inclúe obras relacionadas coa mar, as naves e os portos polas sendas do camiño inglés cara Compostela, polo que o marco do Museo Naval é ideal. Na exposición hai obras de Villaamil, Lugrís Vadillo, Álvarez de Sotomayor, Abelenda, Imeldo Corral, Segura Torrella… Está considerada como unha das máis importantes exposicións colectivas que se ofrecen na cidade de Ferrol nas últimas décadas.

Aproveitamos para visitar tamén o Museo Naval de Ferrol, que pode considerarse a “institución símbolo” da entidade eminentemente marítima da cidade de Ferrol, vinculada dende a súa orixe medieval ao mar e aos seus barcos. Percorremos as salas do Museo e os participantes amosaron moito interese en toda a visita.

Saída a praia dende o centro de día de Abadín

O pasado xoves 4 de agosto as persoas usuarias do CAPM de Abadín desfrutaron dun día de praia durante a mañá, dando un paseo pola mesma e visitando a área recreativa da Fontela. O día acompañou neste verán invernal que nos tocou para poder pasear tranquilamente pola veira da praia e sentarse tendo unhas vistas inmellorables ao mar da mariña lucense. Moitos deles non se lembraban de como era a praia e foi unha experiencia única.

Ao remate aproveitamos a mañá para compartila coas persoas usuarias e persoal do Centro de día de Ribadeo nunha xornada de convivencia. Pasámolo tan ben que sen dúbida organizaremos outra xuntanza.

Spot publicitario da localidade de ABADÍN

Pese á ola de calor tamén tivemos tempo de participar no concurso organizado polo CAPM de Baiona que consistía en elaborar un “spot publicitario” de cada localidade. En Abadín como podedes observar temos unha gran variedade de festividades e produtos típicos galegos. Agardamos que vos guste e estades máis que invitadxs a coñecer o noso fermoso pobo.

Charla de sensibilización da Asociación de Síndrome de Down de Lugo no centro de día de Abadín

O pasado xoves 20 de xullo tivemos o pracer de ter connosco a dous membros da asociación de síndrome de Down de Lugo, Saray e Fran. Ambos impartiron unha charla facendo hincapé na atención á diversidade, respeto e inclusión hacia este colectivo. Na primeira parte da charla incidiron nos mitos e realidades acerca das persoas con este síndrome para máis tarde escoitar a experiencia persoal de Fran.

A charla foi moi interesante e positiva xa que dende a asociación inciden e fomentan unha sociedade inclusiva donde cada persoa independentemente das características que teña ten cabida e pode aprender, ter a capacidade de poder decidir, ser independente e formarse e acceder ó mundo laboral.

Foi todo un éxito e grazas á asociación por vir e pola gran labor que realizan.