Da nosa colleita é un recolpilatorio de accións que recollen o noso facer profesional, baseado nun modelo de capacitación profesional.
FALEMOS
Falemos é unha iniciativa que contén breves faladoiros sobre temas de intres que plasman a experiencia e os procedementos do traballo en rede que se veñen realizando no Consorcio Galego de Servizos Sociais dende fai anos.
FALEMOS 1: A saúde mental en época de pandemia
É indubidable que nos últimos anos a saúde mental adquiriu un protagonismo social a consecuencia da pandemia que estamos a sufrir. Ser conscientes de como nos afecta e nos afectou dita situación no noso día a día, tanto persoal como laboral, e entender con que ferramentas contamos para abordar da mellor maneira posible as situacións que nos xeran estrés e que estratexias de prevención temos ao noso alcance para conseguir unha mellor adaptación ante un escenario aínda incerto, é do que trata este primeiro Falemos que inaugura o ciclo de charlas formativas.
FALEMOS 2: Como garantimos o exercicio da capacidade xurídica das persoas usuarias?
A entrada en vigor da Lei 8/2021 de reforma da Lexislación Civil e Procesal para o apoio ás persoas con discapacidade no exercicio da súa capacidade xurídica, supón un fito na intervención coas persoas que precisan apoio para o exercicio da súa capacidade xurídica, e na defensa do dereito que teñen a exercela coas máximas garantías.
O cambio de paradigma que supón, obríganos a adaptar as nosas Guías Metodolóxicas para garantir este dereito. Si ben hai cuestións que non difiren moito do noso enfoque, hai outras cuestións practicas que debemos mudar. Este falemos da unha explicación teórico práctica da implantación desta nova normativa. Pretende adaptala ao noso día a día nos centros, e dar pautas concretas sobre, por exemplo, as comunicacións ao xulgado e ao ministerio fiscal para o aseguramento do exercicio da dita capacidade xurídica.
FALEMOS 3 : A importancia das historias de vida: Un caso práctico
A Historia de vida recolle a traxectoria e proxecto vital dos usuarios dos centros, os gustos e preferencias, os valores… É un relato sobre a biografía das persoas a través da súa propia mirada, da súa visión subxectiva dos acontecementos, valores, ideas, relacións ou proxectos da súa vida (GMA Revisión 0.)
Para poder ofrecer unha adecuada intervención e garantía dos dereitos dos maiores que atendemos, é imprescindible coñecelos en profundidade, e así poder encamiñar as acción profesionais que mellor se axusten a cada caso.
FALEMOS 4: Todo o que che vai preguntar inspección e que vas saber respostar
Cando un centro recibe a visita do servizo de inspección, son multitude as cuestións que se formulan, as dúbidas e tamén as propostas de mellora. Por iso, este faladoiro é unha posta en común de todas elas, pretende enriquecer e aportar un valor engadido os nosos procedementos tendo en conta a experiencia do noso traballo como rede.
FALEMOS 5: Como crear espazos de benestar?
Entrar nun centro de día, vivenda ou residencia e que as persoas sintan unha boa influencia, é tamén unha cuestión do confort que hai ao seu redor. Ese benestar pódese crear con un bo número de elementos que temos que coñecer porque non supoñen, as máis das veces, un custo engadido se non unha vontade de busca da beleza e a placidez. Influímos no ambiente como este nos inflúe a nos, sendo osco ou amable. Neste Faladoiro coñeceremos as claves desa influenza positiva que temos que perseguir.
FALEMOS 6: Cambios na fala, cambios na mente
Dado que mediante a fala se expresa o pensamento, cómpre varia a linguaxe para mudar as ideas. O presente faladoiro trata de modificar as mensaxes para variar o imaxinario colectivo, que no caso das persoas maiores, consta de moitas ideas estereotipadas, preconcibidas e negativas de como deben comportarse e como ten que ser o seu estilo de vida.
Expresións tan cotiás como “Son como nenos!” ou “Que ben ten conservas para os anos que tes“, son exemplos frecuentes dunha linguaxe paternalista e infantil ou do desprezo cara a unha idade respecto a outras, que están interiorizadas na sociedade, e que se reproducen sen caer na conta da mingua da autoestima que supoñen para as persoas á quen vai dirixidas.
Compre reflexionar sobre todo isto e pasar tomar partido por accións máis xustas e integradoras sobre todo nos, profesionais que traballan por e para as persoas maiores.
Na gravación da charla, podedes escoitar ben ás relatoras a partir do minuto 9:50 no que se estabilizan os problemas de son.
FALEMOS 7: Guías Metodolóxicas I (rev.VI): Asignacións, ingresos, traslados e baixas
Comezamos a primeira das sesións adicadas á presentación das modificacións introducidas nas Guías Metodolóxicas de actuación, na VI revisión, con esta primeira charla que versou sobre os cambios nos procedementos de asignacións de praza, ingreso, traslados e baixas.
FALEMOS 8: Guías Metodolóxicas II (rev. VI): PAI-PAF, Participación, Actividades e Reclamacións
Continuamos coa segunda sesión da presentación da revisión VI das Guías metodolóxicas centrada, nesta ocasión, na elaboración dos PAI-PAF, na participación das persoas usuarias e familias na vida do centro, na toma de decisións sobre as actividades a realizar e nas novidades na xestión das reclamacións.
FALEMOS 9: Guías Metodolóxicas III (rev.VI): Xestión de caídas, Medidas de restricción da liberdade, Administración e custodia de medicación e Detección de presunto maltrato
Finalizamos as sesións adicadas á presentación da revisión VI das guías de actuación centrándonos nas variacións que sufriron, con respecto á revisión V, os procedementos de caídas, medidas de restricción da liberdade e administración e custodia de medicación.
FALEMOS 10: Satisfacción sentida polas persoas usuarias cos servizos prestados
No último Faladoiro da temporada quixemos facer unha exposición do resultado das enquisas de satisfacción das persoas usuarias dos centros de día, os centros residencias e as vivendas comunitarias no período do ano 2021. É importante coñecer como perciben o servizo os seus destinatarios para manter ou mellorar as nosas actuacións.
Materiais
Por outro lado, estas son algunhas das publicacións que temos elaborado e sobre as que se sostén moito do noso modelo de traballo e da forma de entender os coidados ás persoas maiores e as súas familias.
