O mércores, 26 de xuño, o centro de día da Pobra do Brollón estivo pechado unhas horas porque persoas usuarias e traballadoras fixemos unha pequena saída para pasar o día e xantar no local social de Saa, unha aldea do concello, situada a 5 km do centro.
Había previsión de choiva, pero finalmente quedou un día precioso que nos permitiu facer unha pequena ruada e comer fóra. Levamos empanada e ensalada e tamén fixemos unha pequena chourizada. Logo veu unha estupenda e marabillosa sobremesa todos xuntos á sombra, desfrutando do entorno.
![](https://ocentrodedianacasa.igualdadebenestar.org/wp-content/uploads/2024/07/63d561ec-a68b-4a13-8c9f-dd7df2e7a15e-1024x906.jpg)
O centro de día forma parte activa da vida comunitaria do pobo e os veciños de Saa, ademais de deixarnos facer uso das instalacións, encargáronse de que tiveramos todo o preciso para poder desfrutar da xornada e convidáronnos a repetir a visita.
![](https://ocentrodedianacasa.igualdadebenestar.org/wp-content/uploads/2024/07/76fa97ee-6f6d-499f-8f7b-b7dfbcf5fde1-1024x1006.jpg)
![](https://ocentrodedianacasa.igualdadebenestar.org/wp-content/uploads/2024/07/494addab-801d-443e-bc70-015e5611ddac-1024x768.jpg)