As persoas usuarias e o persoal do centro de día Ferrol Caranza foron invitadas polo Concello de Ferrol a percorrer as principais rúas da Cidade no Tren Turístico de Ferrol. Nesta viaxe participaron 22 persoas usuarias, acompañadas por tres profesionais do centro e pola Concelleira Mayte Deus.
O percorrido iniciouse no Centro de Día as 12:30 e no seu traxecto fixeron unha parada especial na Praza de Armas, onde persoal municipal lles fixo entrega dun libro como agasallo.
