O traballo manual ten múltiples beneficios. Estimula á persoa a nivel físico, e cognitivo. Axuda a reducir ansiedade, e a estimular a súa propia creatividade. Fanse visibles as súas capacidades, dende unha perspectiva de reforzo positivo. Visualizan a súa “manualidade” ao finalizala, reforzando así o sentimento de realización de si mesmas, e benestar, o que se ve reflectido na súa propia autoestima.
OBXECTIVOS:
Promover o traballo en grupo e pertenza a este.
Estimular a concentración e creatividade.
Manter e estimular psicomotricidade fina
Reducir ansiedade
Preservar a psicomotricidade fina.
Reutilizar material.
METODOLOXÍA: As persoas usuarias, con apoio das xerocultoras e educadora, realizarán macetas (Reutilizaremos cápsulas de café, que previamente se limparán dos pousos do café). Con 3 cabos duns 80 cm cada un dobrados á metade, átanse todos xuntos, coma se fixeramos un chaveiro, para logo, por cada 2 cordas, facerlles un nó. Os 2 cabos anoados pasaranse por cada furado, que se lle fará previamente a cápsula no lateral. Unha vez pasadas todas as cordas polos furados correspondentes, faráselle outro nó na base. A continuación, poñeránselle flores ou herbas secas, cravadas en plastilina, esponxa,…
RECURSOS MATERIAIS: tesoiras, cápsulas de café, flores/ herbas secas, plastilina/ espuma , 3 cordas de 80cms para cada cápsula, Regra.