Realizaranse as Olimpíadas durante a celebración da semana do Maior no centro de día. Preténdese con esta iniciativa que todos os usuarios participen e se integren no grupo de iguais.
As probas consistirán en dous bloques: as físicas e as mentais. Intentando sempre potenciar as capacidades dos usuarios e tendo en conta sempre as súas limitacións funcionais e cognitivas.
Os espazos onde se desenvolverán as Olimpíadas, será na sala de actividades do centro, dispoñendo os materiais para a realización de cada proba.
OBXECTIVOS
- Manter as habilidades físicas e a destreza.
- Potenciar a competitividade e empatía entre as usuarias.
- Crear un clima lúdico e festivo no centro.
- Estimular cognitivamente ás usuarias con retos e probas mentais.
METODOLOXÍA
A metodoloxía será motivadora e pretenderá impulsar a todos á colaboración e creación dun clima positivo, distendido e lúdico. Dividiranse as probas en dúas sesións, unha pola mañá despois da xerontoximnasia (probas físicas) e outra pola tarde (probas mentais). As probas están adaptadas ás limitacións físicas e cognitivas dos usuarios para potenciar a maior participación de todos.
Farase unha celebración de apertura e fin de olimpíadas na que se festexará e brindará polas xornadas lúdicas.
RECURSOS
Materiais: aros, pesas, bolos, caldeiro, picas, taboleiro, rotuladores.
Humanos: educadora e 2 xerocultoras.