A celebración das datas sinaladas é fundamental para diversas esferas dentro da vida das persoas maiores. Fomentan a orientación temporal e espacial, así como tamén, favorecen un ambiente distendido e cálido no centro de día que reforza o papel das persoas maiores e mellora o seu estado de ánimo e autoestima.
Para conmemorar o Samaín, decidimos ambientar o centro confeccionando unhas cabazas con restos de teas que tiñamos e con recheos de coxíns vellos.
Como foi o proceso de confección?
- En primeiro lugar, collemos un rectángulo de tea e cosémolo polos laterais do revés, de xeito que quede un lado sen coser.
- Posteriormente, colocamos o rectángulo de tea verticalmente quedando a parte que non se coseu cara arriba, e realizamos un nó na parte inferior do rectángulo.
- Continuamos dándolle a volta a tea (quedando o nó por dentro), para engadirlle os recheos de coxíns vellos.
- Cando teñamos todo recheo, facemos outro nó con corda de rafia e comezamos a dividir en seis ou oito partes semellando unha cabaza.
- Por último, coa corda sobrante enroscámolo polo nó anterior, semellando o rabo da cabaza.
A continuación, ensinámosvos unhas imaxes do proceso de elaboración e o resultado final. Animádevos a realizalas!
