No Fogar Residencial de Cerceda gústannos as lambonadas polo que hai uns meses retomamos a iniciativa da realización de obradoiros de cociña que teñen moi boa acollida.
A elevada participación nestes obradoiros animounos a empregar as receitas elaboradas nos últimos anos e facer un caderno que foi entregado ás familias das persoas usuarias como agasallo de Nadal. Para a súa elaboración fixemos unha recopilación das receitas empregadas nos obradoiros de cociña realizados nos últimos anos, destancando aquelas que tiveron unha mellor aceptación: biscoito de mazá e noces, empanada de bonito e tomate, Santiños, tarta de piña, biscoito de polvoróns, tarta de améndoa, flor de crema de chocolate, biscoito de avea, canela e mazá.
Aquí tedes o resultado do recopilatorio e algunhas fotografías dalgunha das sesións de cociñado realizadas.
rpt
