A semana pasada comezamos co cuns acertixos moi especiais… persoaxes segredas, para ver o concurso PREME AQUÍ
Para esta primeira personaxe secreta tivemos xa un acerto de Marisé!
Neste caso, empezamos cunha muller que marcou un antes e un despois na literatura e quixemos honrala polo legado que nos deixou. A continuación deixámosvos un dos poemas de Rosalía de Castro máis coñecidos e que foi musicalizado da man de dous grandes artistas da música galega, Luz Casal e Carlos Núñez, Negra sombra, PREME AQUÍ para escoitar o poema cantado:
Cando penso que te fuches,
negra sombra que me asombras,
ó pé dos meus cabezales
tornas facéndome mofa.
Cando maxino que es ida,
no mesmo sol te me amostras,
i eres a estrela que brila,
i eres o vento que zoa.
Si cantan, es ti que cantas.
si choran, es ti que choras,
i es o marmurio do río
i es a noite i es a aurora.
En todo estás e ti es todo,
Pra min i en min mesma moras,
Nin me abandonarás nunca,
Sombra que sempre me asombras.
Con isto, animámosvos a que a través do correo ocentrodedianacasa@igualdadebenestar.org vos poñades en contacto con nós para propoñer novas personaxes e novas pistas que resolveremos quincenalmente.
0