“A DIVERSIDADE NA FORMA DE CONTAR” CONTOS DE MEMORIA, MORALEXAS LENDAS E POEMAS DENDE O CENTRO DE DÍA DE ABADÍN

As traballadoras e familiares das persoas usuarias que acuden ao centro de día de Abadín, escoitaron os contos de Pantón a través do blogue e enseguida se animaron a compartir tamén as historias da súa zona.

A expresión oral forma parte da cultura popular de todos os pobos tendo como obxectivo buscar a participación activa do oínte. Existen diferentes formas de contar…

Hai persoas que o fan de memoria, que non esquecen as vivenzas transmitidas polos seus devanceiros e que deciden seguir contando da mesma maneira ás súas familias. É o caso de Benedito Díaz Enríquez, marido dunha usuaria que leva acudindo ao centro 10 anos, Dolores Vigo Vigo. En só 2:32 minutos saca sorrisos cunha historia ben divertida: “UN GALEGO USANDO O METRO NA CAPITAL”

Hai persoas que teñen un arte especial para invitar a falar contando. É o caso da Xerocultora Vilalbesa María Ladra Fraga que ao tempo que relata, tamén recibe comentarios que vai incluindo na súa historia de “O XORNALEIRO”, unha moralexa de só 2:20 minutos de duración.

Hai persoas ás que lles gusta indagar sobre as tradicións e curiosidades dos lugares onde viven. É o caso da Xerocultora Mindoniense Begoña Bouso Barcia que nos comparte a lenda sobre “A COVA DO REI CINTOLO” en 3:56 minutiños. Esta excavación natural asombra aos que a visitan por ser a máis grande de Galicia, con máis de 6500 metros de lonxitude. Quen se atrevería a meterse no seu interior rodeado de estalagmitas e estalactitas?

E por último, hai persoas amantes dos versos, que poden emocionar coa súa maneira de recitar. En só 2:29 minutos, a xerocultora abadinense Mónica Lagares Valle, comparte algúns dos seus poemas favoritos sobre natureza e paxaros.

Que estilo é o voso favorito? Deixade un comentario para solicitar máis historias a estes contacontos.

0