Aquivos por Categoría: Datas sinaladas

Maio dende o centro de día de Ferrol Esteiro

Dende o Centro de Día de Ferrol – Esteiro, damos a benvida a esta nosa primavera galega, coa realización dun maio floral a través do cal festexamos a entrada nesta época fértil da terra, a chegada do bo tempo, afastando todo o malo e con desexos de ledicia para os que nos rodean.

Coa colaboración de usuarios e familias, obtivemos: xesta, retama, tulla, flores variadas e froitos, e elaboramos de forma manual e creativa o noso propio maio. Todo isto acompañado de música e rimas tradicionais da época.

E queremos compartir con todos os vos, a famosa e fermosa poesía de Manuel Curros Enríquez, que aínda que lembra os tempos duros da pobreza en Galicia, tamén pode facernos sentir a tradición dos maios galegos en todas as vosas casas.

Obradoiro de Ovos de Pacua dende o centro de maiores de Taboadela

As datas da Pascua teñen un especial significado para as persoas maiores. Na época da súa nenez o consumo de carne e de ovos estaba prohibido na coresma ate a chegada do domingo de Resurrección. Este era un día no que remataba a restrición e foi nacendo a tradición de compartir e agasallar ovos como acto de xenerosidade. A nosa idea foi decorar os ovos de galiña. meterlles dentro chocolatinas para levarlles aos cativos da Escola Infantil e realizar o un xogo con eles. A actividade interxeneracional resultou moi entretida e enriquecedora.