“CONVIVENCIA COS NEN@S DO CAMPAMENTO ALDEA DE VERAN DO CONCELLO DE SAN SADURNIÑO”

Aparte

“CONVIVENCIA COS NEN@S DO CAMPAMENTO ALDEA DE VERAN DO CONCELLO DE SAN SADURNIÑO”

Atopámonos xa no derradeiro mes típico do verán. Con el rematan tamén os populares campamentos que os distintos concellos ofrecen aos cativos da contorna. Como cada ano, o Centro de Día de San Sadurniño acudiu a un novo encontro interxeracional cos nen@s de entre 3 a 9 anos da aldea de verán. Nesta ocasión, decidimos reunirnos no que está sendo o sitio preferido para as nosas saída habituais das inmediacións do centro, o paseo fluvial de San Sadurniño.

Logo duns xogos de presentación os nen@s propuxéronos participar no proxecto que está a realizar este ano sobre a elaboración dun xornal que será publicado como clausura do campamento. En concreto, aventuráronse a ser xornalistas e realizaron varias preguntas aos maiores (idade, profesión, xogos e enredos preferidos, etc.). Quizais as respostas que mais sorprenderon aos nen@ foron sobre os obradoiros que realizan no centro, posto que estaban especialmente interesados ao ver que comparten actividades e intereses como o da pintura e a ximnasia.

Para animar e fomentar un maior contacto entre eles realizamos un circuíto con obstáculos e un pase de globos entre as distintas xeracións. Este quizais foi o momento no que mais se aprecia a importancia e aporte emocional destes encontros para ambas partes. Estes intres de interacción activos, lúdicos, animados e cargados dun forte sentimento de pertenza fan cambiar a rutina e incluso o humor. A volta ao centro recordoulle as sensacións que experimentaban cando volvían das festas do pobo; alegría, comentarios sobre as ocorrencias dos nenos, vitalidade,… ESTABAN ENTUSIASMADOS E LEDOS!!!!!

2
Se che gustou podes compartirlo en:

Festa de verán no centro de día de Vigo Coia

Aparte

Festa de verán no centro de día de Vigo Coia

A equipa do centro de día de Vigo-Coia quere compartir un vídeo da “Festa de Verán” que se celebrou o pasado venres 26 de agosto de 2.022 no xardín do centro, convidando aos máis cativos das familias e profesionais do centro de día.

Ao longo dunha hora tiveron lugar varios xogos con auga nunha mañá calurosa, onde se fixeron dous equipos formados por maiores e pequenos. Todos e todas amosaron as súas habilidades para coller obxectos escorredizos!

Foi unha xornada moi divertida onde varios familiares máis quixeron acompañarnos tamén como “público” e estiveron animando ao seu equipo favorito. A todos e todas agradecemos a súa participación xa que a festa foi todo un éxito. Volver a desfrutar da presenza dos nenos e nenas no centro é maravilloso.

Esperamos que vos guste o vídeo formado por imaxes da festa e vos animedes a organizala o próximo verán!

2
Se che gustou podes compartirlo en:

“GRANDPRIX VERANIEGO”

Aparte

“GRANDPRIX VERANIEGO”

O 18 de agosto celebramos coas persoas usuarias do Centro Residencial e de Día de Arteixo e coas súas familias o GrandPrix Veraniego, recordando o clásico programa de televisión. O tempo non nos acompañou, polo que en lugar de poder realizalo do xardín, tivemos que celebralo dentro do centro. Isto non foi impedimento para desfrutar moito coa actividade, a cal estivo composta por dous equipos (vermello e azul) e tres probas (lanzamento de aros, pesca do pato e bolos) que foron realizando os dous equipos de forma simultánea. Tras a vitoria do equipo azul, todas as persoas participantes refrescáronse cun aperitivo composto por froita de tempada e un cóctel. Tanto as persoas usuarias como as súas familias pasaron un momento lúdico, cheo de gargalladas e ilusión.

1
Se che gustou podes compartirlo en: