As saídas e actividades fóra do centro son un estímulo motivador para moitas persoas usuarias do centro. Entre as actividades exteriores, no Centro de Día de Begonte, as persoas usuarias a que máis demandan con emoción, é a saída a tomar o café, algo tan sinxelo pero que tanto lles gusta e agradecen.
As relacións sociais con veciños e veciñas do pobo normalizan o seu día a día sendo partícipes da vida social do pobo e membros da comunidade. No mes de xullo, aproveitamos a chegada do bo tempo e saímos a tomar o café a terraza máis próxima, onde nos nutrimos de vitamina D e ao mesmo tempo puxémonos en contacto coa comunidade. Destacar que como bos e boas galegas… hai quen se pelexou por convidar as consumicións!
