Gran festexo para celebrar un acontecemento tan importante que loita pola defensa da nosa lingua!!!
Dende CD Culleredo non queremos que se esqueza a importancia de continuar loitando e pondo en valor a nosa lingua, e para iso quixemos estender a nosa actividade máis alá do centro. Contamos coa colaboración dun grupo de rapazas e rapaces do I.E.S Rego de Trabe a que participaron canda nós nunha iniciativa deseñada para representar o galego: “Sembrando galego”. Esta intervención interxeracional levouse a cabo por grupos nos que tanto persoas usuarias como alumnado intercambiaron coñecementos e ideas que lles permitiron crear palabras destacadas en galego como:
“BICO; TOXO; ONTE; FERVENZA; LANDRA; LEDICIA; FOLERPA; CHARABISCA; XOANIÑA; BOLBORETA; APERTA; ORBALLO; FEITIZO; ANDURIÑA; PENEIRA….
Resultado desta sesión quedou o noso precioso mural.
Que vos parece? A nós parécenos que quedou espectacular!
Para completar este festexo visitáronnos o grupo de música tradicional galega “Amigos da gaita” que nos permitiu desfrutar dunha xornada de música e baile excepcional!