Terapia de reminiscencia a través da música. ¿Coñeces todo o potencial que ten a música como ferramenta evocadora de recordos e sentimentos?
No Centro de Día de Culleredo puxémolo en práctica desfrutando dunha xornada musical da man do grupo “Son de Monelos”.
Adaptaron o repertorio aos nosos gustos e peticións de forma que permitise evocar recordos arredor desas melodías.
¡A música é maxia!
Pode transportarnos a momentos do pasado e facernos conectar con sentimentos pasados ou que puidésemos ter esquecidos. A música ten a capacidade de influír no noso estado de ánimo, e por iso é unha das ferramentas máis útiles para utilizar en actividades que teñan como obxectivo exercitar a memoria e as reminiscencias.
¡Foron un encanto! Foi unha sesión moi dinámica, divertida e na que participaron moi activamente cantando e bailando.
Estamos moi agradecidas e encantadas.
¡Voltaremos a contar con eles!