O 6 de novembro tivemos a oportunidade de asistir á realización en directo do programa de radio “Más de uno” da cadea Onda Cero. Este programa desenvolveuse na Casa da Cultura do Concello de Cospeito, que se atopa próxima ás instalacións do noso centro de día, polo que nos convidaron a asistir e presenciar como se desenvolve este traballo.
Quedamos moi sorprendidos polo funcionamento, posto que nos imaxinábamos algo totalmente diferente! Todos foron moi atentos con nós e explicáronnos cada paso que foron desenvolvendo. Foi unha experiencia realmente entretida e divertida!
