Persoas usuarias do centro de día de Cospeito visitaron o mércores 18 de maio a exposición “A memoria do son”, ubicada no auditorio de Vilalba, para conmemorar o día internacional do museo, que se celebra o propio 18 de maio.
Nesta exposición puidemos ver réplicas de varios instrumentos musicais datados entre os séculos X e XIII, como a viola de brazo, a xiga ou o organistro, e mesmo puidemos tocar o salterio! De todos os instrumentos que vimos, puidemos escoitar melodías interpretadas con eles, eran uns sons moi fermosos.
Unha vez rematada a visita á exposición, desprazámonos ata a área recreativa a Magdalena onde puidemos desfrutar dun xantar campestre e dun paseo á veira da praia fluvial. Desfrutamos enormemente deste día e esperamos poder repetir axiña este tipo de actividade!
