Coñecendo as novas tecnoloxías é unha proposta pola cal se busca achegar as novas tecnoloxías ás persoas maiores. Na imaxe pódese consultar información de interese para o emprego desta ferramenta para persoas tanto con deterioro cognitivo leve como sen el.
A utilización das novas tecnoloxías pode ser unha opción de estimulación da mente, de lecer, de adestramento de habilidades e de participación no entorno. Trátase dunha ferramenta que impacta moi positivamente na autoestima das persoas, ao poder aumentar as súas habilidades e a través desta poder ter contacto con máis persoas, mellorando así a súa calidade de vida.
Algúns dos beneficios que aparecen en estudos son:
– Aumento da interacción social.
– Mellora da relación coa persoa que o/a acompaña.
– Aumento da comunicación.
– Mellora o contacto interxeracional.
– Mellora a calidade de vida e o benestar da persoa.
Para esta actividade será necesario dispoñer dunha tableta con sistema Android e con acceso a internet. Na imaxe resúmense os 5 puntos máis importantes a ter en conta para comezar a empregar as novas tecnoloxías coas persoas maiores.
Como todo, é cuestión de ir probando, pero a motivación da persoa verase incrementada tras cada sesión, sempre recordando respectar os tempos de cada persoa e adecuar as actividades ás capacidades existentes.
3