A quen non lle gustaba abrir o buzón da casa e atopar unha carta dun familiar, amigo,.. felicitando o nadal. Abrir a carta e sentir que alguén pensa en ti mentres a les e experimentar a sensación de sentirte especial.
Este pode ser o inicio dunha amizade… por correspondencia.
Esta actividade vai dirixida a centros de maiores de toda galicia. Os que desexedes participar debedes ter en conta:
1º Que son 5 participantes máximo por cada centro
2º Os centros que participen deberán comunicalo ao CAPM de Baleira a través do mail centrobaleira@alalas.com
3º Unha vez coñecido o número de participantes por cada centro, O CAPM de Baleira coordinará a distribución das cartas, de xeito que os centros emisores saiban a que persoas e centros teñen que dirixir as cartas.
4º. Recomendacións sobre a estrutura e contido da carta, que deberá realizarse co apoio do profesional de referencia si é preciso:
- Saúdos da persoa remitente ao destinatario.(personalización da carta)
- Identificación do remitente: nome de pila da persoa residente.
- Identificación e breve descrición do lugar onde se atopa
- Contido libre: aficións, como leva a situación da pandemia,…
- Felicitación do nadal e do aninovo con desexos para o 2021
- Achegar postal de nadal elaborada no centro si é posible.
5º Os centros que desexen participar deberán comunícalo ao CAPM antes do 10 de decembro.
6º Data de entrega das cartas, dende o 14 ata o 23 de decembro.
7º Lembrade aplicar as medidas anti-covid na elaboración da actividade: Hixiene de mans, máscara, deixar a carta un par de días en cuarentena cando se reciba (segundo a información facilitada polo SERGAS, a Covid-19 pode resistir ata 24h en cartón).
14