O centro de día na casa

Obra teatral no centro de día de Dodro

Este Entroido 2022 usuarias e traballadoras representamos a obra teatral “Somos galegas na lúa”. En varios obradoiros, as persoas usuarias botaron a voar a súa imaxinación e respondéronse ás preguntas: ¿como é a lúa?, ¿que aspecto terá un extraterrestre?, ¿que acontecementos poderían xurdir se viaxásemos á lúa? A partir de aí, fixemos o deseño do vestiario, escenografía e escribimos o guión. Tras varios días de ensaios , o elenco de actrices representou a obra para o resto de compañeiras/os e traballadoras o Martes de Entroido, coa gran ausencia de familiares. A obra, con ton cómico, faille un chico a grandes fitos relacionados coa historia espacial e a personaxes e películas icónicas que teñen como temática o espazo ou a vida extraterrestre ( Alien, ET, Star Trek, A guerra das galaxias, etc.). Animamos á xente a participar na marabillosa vida teatreira que tantas alegrías e momentos inesquecibles nos dá.

Filloas de Pura no centro de Cerceda

No CAPM de Cerceda chega o entroido a través do sentido do gusto. As sobremesas tradicionais desta época do ano son a especialidade de Pura, unha persoa usuaria que traballou como cociñeira e nos ensina con orgullo a súa receita de filloas.

Unha tarde diferente, poñendo en valor tradicións propias do entroido á vez que se promove a xenerosidade de preparar unhas cantas ducias de filloas con todas as persoas usuarias e profesionais de CAPM de Cerceda.

E … a relamberse do ricas que estaban!!!

O Entroido no Centro de Día de Ferrol Caranza

O Entroido é por definición a festa máis subversiva do ano. Unha festa na que os costumes se relaxan, os roles se inverten e un pode rir de todo. No centro de día de Ferrol-Caranza realizamos unha pequena festa despois de que o equipo técnico realizara unha asamblea coas persoas usuarias, as cales decidiron celebrar o Entroido. Este ano celebramos o entroido seguindo os mandatos do Meco (O Meco,a primeira mención que se ten en Galicia sobre esta tradición faina o Padre Sarmiento no século XVIII. A súa orixe estaría na localidade do Grove). O Meco é un boneco que é queimado o mércores de cinza e sinala así o fin do Entroido e o comenzo da Cuaresma.