XUNTOS MÁIS FORTES DENDE O CENTRO DE ARTEIXO

Aparte

XUNTOS MÁIS FORTES DENDE O CENTRO DE ARTEIXO

A corentena e o confinamento están a provocar unha ruptura nos hábitos e rutinas das persoas usuarias. Esta fractura do proxecto de vida afecta ás ocupacións do día a día, ao estado de ánimo e polo tanto, á súa calidade de vida.

Este confinamento está a afectar a diferentes xeracións polo que é unha oportunidade para que nenos/as e maiores compartan as súas inquietudes, os seus medos e se transmitan ánimo e alegría, por un mesmo obxectivo. Esta actividade, promovida pola Equipa do Centro Residencial e de día de Arteixo, ten como protagonistas ás persoas residentes co propósito de fomentar a participación dos mesmos na súa comunidade, aínda que están a chegar moito máis lonxe (A Coruña, Madrid, etc.). Ademais, contribúe a crear lazos interxeracionais.

Os nenos e nenas de Arteixo, a través da páxina web do concello e das súas redes sociais, poden achegar a través do correo cr.arteixo@gmail.com, os seus debuxos e cartas para as persoas usuarias do centro residencial. Desta forma, as persoas usuarias lles farán chegar tamén a eles palabras de agarimo a través de diferentes cartas escritas por eles mesmos en resposta ao que os nenos e nenas de Arteixo lles escriban.

A maiores, enviáronse cartas de ánimo aos CAPM próximos, como son Cerceda e A Laracha.

0
Se che gustou podes compartirlo en:

CADERNO ORTIGUEIRA

Aparte

Quén se anima a participar nun fermoso reto que nos chega dende o centro de Ortigueira?

Dende que o Goberno decretou o estado de alarma ordeando non sair da casa, os nenos e nenas estaranse dando de conta da importancia que ten ir a escola e do moito que nela aprenden, cousa que moitas persoas maiores do Centro, non puideron facer no seu tempo, por ter que axudar na casa, ir ao lindeiro coas vacas ou o río a lavar.

A rapazada de antes aprendía na “Escola da vida” e moito do seu saber foilles transmitido de forma oral polos seus pais/nais ou avós/as, para que souberan valerse no mundo. Ler, escribir e as catro reglas aprendíanas, con sorte, e todo o demais nas noites de inverno ao carón da lareira, nas esfollas do maínzo, nas mallas, na fonte, no lavadoiro, na tenda de ultramarinos, na feira ou na misa. Coñecementos importantes para traballar, remediar dores, cociñar,sementar e recoller, do tempo, para mocear, troulear, facer trocos, entre outras moitas cousas que é preciso coñecer.

No CAPM de Ortigueira, poñendo en valor toda esta sabedoría popular que atesouran os nosos maiores, fixemos un caderno no que recoller, nestes días virulentos, todas esas aprendizaxes significativas para transmitilas aos pícaros/as que veñen pisando forte pero pola súa idade, aínda son inocentes.

Cántigas, contos, coplas, refráns, adiviñas, ditos, anécdotas, alcumes familiares, etc. Así como todo o que vaia xurdindo da nosa memoria colectiva. Consideramos que son saberes interesantes da cultura que non saen nos libros, moitas delas, e non se deben esquecer.

Por este motivo, convidamos tamén a tódolos usuarios de CD e ás súas familias a botar unas parolas, a ver que sae!! E envialas ao centro, co fin de engadilas ao noso libro comunitario. A nosa dirección de correo é ortigueira.consorcio@igualdadebenestar.org

0
Se che gustou podes compartirlo en: